رد: حوار جامد جدا بين البنات والشباب ادخل وشارك

**Mema** الجمعة فبراير 13, 2009 10:41 pm

اكيد هتراجع بكل هدوء
لان دة اكيد مش حبيب يتبكى علية
سؤالى:
هتعمل اية لو اللى بتحبو بعد عنك من غير اسباب وماتعرف عنو شى؟

AhMeD.ToTTi الجمعة فبراير 13, 2009 10:58 pm

اكيد هفضل وراه لحد اما اعرف بعد ليه عشان ممكن يكون بعد عنى عشان فى حاجه غلط فيا وبجد اسألتك جامده \

وجه سؤالى :

هتعملى ايه لو عرفتى ان اللى بتحبيه طلع اصغر منك بس هوا كدب عليكى وقال انه اكبر منك عشان بيحبك ؟

Roma السبت فبراير 14, 2009 1:06 am

بص انا طبعا هسمحه لان موضوع السن دا مش هيفرق معايا لكن انه كدب عليا دى حاجه صعبه اوى يعنى هو فى اوله كدب الله اعلم بعد كده كله كان صادق معايا ولا لا يعنى حبه دا صادق ولا وبصراحه هيخلينى اشك فيه بعد كده لانى لما اخد طبع عن حد انه كداب خلاص صعب يغير الفكره دى
سؤالى
تعمل ايه لو عرفت ان اللى بتحبها صحبك بيحبها او حتى انتى تعملى ايه لو انتى حبيتى واحد صحبتك بتحبه هضحى بمين؟

Maloka الثلاثاء فبراير 17, 2009 12:01 pm

انا بيتهيقلي دي هترجع للانسان الي انا بحبه لو هو بيحبها خلاص انا عمري ما هقف في طريق سعادتهم
بس لو هو مش بيحبها و بيحبني انا المفروض انه هي تفهم كده و تتمننالي السعاده
اما لو هو لا بيحبني ولا بيحبها يبقى زي قلتها الحكايه و نروح نشوف حد تاني

سؤالي

لو انت او انتي كنتو بتحبو انسان اوي ولد او بنت و ارتبطم بيه لفتره و جه صاحب او صحبة الانسان ده دخل بينكو و اتفرقتو لمده
لو جه الانسان ده تاني و قلكوا انه عايز يرجع تاني هتعملوا ايه؟؟؟

**Falcon** الثلاثاء فبراير 17, 2009 8:13 pm

انا اعتقد ان هي سهل انها يتلعب بيها وتسيبني لاي كلام اتقال عني
واللي خلاها تعملها مرة يبقي سهل يتلعب بيها تاني وتالت ورابع
وبكدة هعيش حياتي كلها في مشاكل بسبب انها بتصدق اي حاجة
"اذا جاءكم فاسق بنبأ فتبينوا"

جه دور سؤالي بقي

سؤالي دة يمكن موجه للبنات : تعملي ايه لو اكتشفتي ان حب حياتك كان مجرد وهم وان الشاب اللي انتي حبتيه كان بيتسلي بيكي لغاية ما يجي وقت الجواز التقليدي اللي هو تبع عيلته؟ ويا تري انتي ما حستيش ليه بالكدب دة بالرغم ان الحب بيبان والكدب بيبان فليه كملتي معاه؟