هــٍـٍـذه عيــٍـَـَـَـوبي بكـــَـَـل صــٍـٍــدق ..

بنت النيل كتب:فى الاول احب اشكرك على الموضوع الجميل ده
عيوبى

1-التردد
2-معنديش ثقافه النصح
3-حالمه جداااااااا
بس ممكن اقترح ان
ممكن كل واحد يقول للعضو اللى قبله ازاى يغير عيوبه
يعنى ممكن
1-انك غير اجتماعيه ممكن تتغلبى عليها انك تخدى ثقه فى الناس اكثر شويه والثقه دى كمان بتكون بحدود المعقول لان عدم ثقتك بالناس هو السبب
2-انك لاتتسامحى فى حقك ممكن تتغلبى عليها لو استحضرتى ربنا فى كل اقوالك وفعالك ولما تسامحى انسان تسمحيه من قلبك وقولى يارب انا سامحته علشان خطرك انت حاجه كبيره اوى عندى يارب وربنا وقتها هيصفى قلبك من ناحيه100%
3- موضوع الكسل ده ممكن تقرئى كتب او تشوفى محاضرات ارائد النهضه البشريه فى العالم الكتور ابراهيم الفقى
بس هى الحاجات دى اللى كنت اقدر ارد عليها
شكرااااااااااا جدااااااااااااااااااا على الموضوع

تسلمي يا قمر على المرور النآآيس .. والفكره تحفه بجد
بالنسبه للنصايح :
غير اجتماعيه مش حاسه عدم ثقه ف الناس .. ولكن مثلا مش بحب اروح اتكلم مع حد معرفهوش ، او لو حد كلمني يادوب كلمه ورد غطاها .. ف بحس الناس مش بتحب تاخد وتدي معايا ف الكلام لانهم بيحسوا انهم بيضايقوني . مع اني ببقى حابه اتكلم وكدا بس بتكسف مش عارفه ليه

والكسل غير الفراغ .. يعني مشكلتي بيبقى ورايا شغل ومذاكرة وواجبات وبكسل اعمل حاجه .. يعني مش عندي فراغ

بالنسبه ليكي بقى :

اول حاجه التردد ::..::

لو مثلا عندك حاجتين متردده بينهم يبقى تعملي استخاره وان شاء الله هتستقري على اللي يرتاح قلبك له وهتطردي التردد
لو في الحاجات الصغيره .. يبقى ( استفتِ قلبك ) ..

تاني حاجه ::..::

مش عندك ثقافة النصح .. دي مش فاهماها اوي
بس لو المعنى انك مش بتعرفي تنصحي غيرك .. يبقى حاولي توضحي له وجهة نظرك في اللي هو بيعمله من غير ما تجرحيه ..
واول حاجه لازم ناخد بالنا منها لما نيجي ننصح حد ، انو لازم ناخده على جنب ، يعني مش قدام الناس ، والا مش تبقى نصيحه ، نبقى فضيحه ،،
وتاني حاجه / لازم نبدأ بالحاجات الكويسه اللي فيه الاول وبعدين نوضح وجهة نظرنا في الغلط .
يعني مثلا ( والله انت انسان كويس والكل بيحبك بس بيزعلوا من كذا .. )
كدا ممكن يتقبل كلامك بصدر رحب ..

وتالت حاجه ::..::

انك حاااالمه جداااا دا مش عيب في وجهة نظري ، لان في الزمن دا لو خدنا كل حاجه على اعصابنا هنتجنن ..
انا ماكنتش كدا ابدا ، بس اتعلمت ازاي ابقى حااااااااااااااااالمه لابعد الحدود ..
ريلاكس ريلاكس ريلاكس
ومرسي بجد يا قمر على التفاعل الجميل ، والفكره الاجمل ..

just mego كتب:الموضوع بجد تحفة
1ـانا عصبية
2ـ عنيدة
3ـبصدق الناس بسرعة
كان فى اكيد حجات تانية بس انا صلحتها
وشكرا جدااااااااااااااااااااااااا

امممممم
بصي يا قمر :
بالنسبه للعصبيه : ف الرسول - صلى الله عليه وسلم - قالنا حل جميل اوي لموضوع الغضب دا
لو انتي اتعصبتي فجأه غيري حالتك ، لو واقفه اقعدي ، لو قاعده استرخي على جنبك شويه ،
واستعيذي بالله من الشيطان الرجيم ، ولو تقدري تقومي تتوضي ، هترتاحي ..
وكمان لازم تعرفي انك لو رديتي على فعل اللي قدامك بانك ماتنرفزتيش دا شيء هو مش متوقعه .. وكمان لو هو متنرفز وانتي هاديه هتحرجيه بذوقك ..

وكمان كون انك تتنرفزي دا مش بيغير اي شيء من الواقع ، يعني مش هتاخدي اللي انتي عايزاه ، والنرفزة دي مش هتضر حد غيرك انتي ..



:: عنيده ::
مش عارفه لاني انا كمان كدا نستنى اللي بعدنا يقولنا الحل


::.. بصدق الناس بسرعه ..::
دا اللي لازم يحصل لاننا مسلمين
يعني لازم نثق في الشخص (( بحدود )) ونصدقه لحد ما يثبتلنا العكس ..
لكن مش ينفع نبني العلاقات على الشك ..


ونورتي الموضوع يا قمر ،، يسلموو ..

Mema كتب:اولا جااااامد الموضوع جدا
اة عيوبى انا
-عصبية
-معنديش ثقة فى الناس بمعنى اصح مش بثق فى الناس على طول
-كسولة
-انطوائية شوية
-مترددة

تسلمى ياقمر على الموضوع وان شاللة نقرا ليكى مواضيع تانية

تسلمي يآ قمر ع المرور النآآيس ، نورتي الموضوع ..

نبدأ الجلسه :
::.. عصبيه..::
علقنآ على النقطه دي في المشاركه اللي قبلها

::.. معنديش ثقه في النآس..::
بردو قلنا اننا مسلمين ولازم نعامل الناس بحسن نية لحد ما يثبتلنا العكس .. عشان مش ينفع نبني علاقاتنا على الشك ..

::.. كسوله ..:: ،، ::.. انطوائيه ..::
حد بقى يشوفلنا حل في المشكلتين دول

::.. متردده ..::
ارجعي يا قمر للمشاركه الاولى في الموضوع

وبجد نورتي الموضوع ..

بنت النيل كتب:بالنسبه لمشكله الكسل الدكتور ابراهيم الفقى ليه كتب ومحاضرات
ازاى نطور نفسنا ونقضى على مشاكلنا
بانفسنا وبجد حاول تقرئوا للدكتور ابراهيم
لانه رائد النهضه البشريه فى العالم اجمع
بس على فكره حاجه جميله اوى ان احنا نشتغل دكاتره نفسيين لبعض